Жемқорлар Қазақстанға 23 миллиард теңге шығын келтірген
Сыбайлас жемқорлыққа қарсы агенттіктің басшысы Алик Шпекбаев осы жылдың 9 айындағы сыбайлас жемқорлыққа қарсы жұмыстарды қорытындылады. Ол парақорлық және ұрлық фактілері бойынша Қазақстанда келтірілген шығын көлемі 23 миллиардтан астам теңгені құрағанын жеткізді деп жазады KAZ.NUR.KZ.Агенттік жұмысының нәтижелері көрсеткендей, биылғы жылы келтірілген шығын мөлшері өткен жылмен салыстырғанда көп. 2018 жылдың 9 айында келтірілген залал 13,5 млрд теңге болса, ал 2019 жылдың 9 айындағы шығын 23,2 млрд теңгені құрады.
Сыбайлас жемқорлықпен айналысатын шенеуніктер пара алу кезінде жиі кездеседі. Оларға қатысты 850 қылмыс, сондай-ақ, 700-ден асатын ұрлау қылмысы мен 200-ден асатын билікті асыра пайдалану фактісі тіркелді.
Олардың 100-ге жуығы республикалық және аймақтық деңгейдегі басшылар. Қазіргі уақытта сыбайлас жемқорлықпен айналысқан шенеуніктер Қазақстанға келтірген материалдық шығынның 94%-ы өтелді.
Құқық қорғау органдары мен сот жүйесі де "тазартудан" өтті. Осы жылы 7 судья қызметінен босатылды.
"Агенттік құқық қорғау органдарының қызметкерлері мен судьялардың сыбайлас жемқорлыққа қатысты жауапкершілігін арттыру туралы бастама көтерді. Сондай-ақ, ауыр және аса ауыр сыбайлас жемқорлық қылмыстары үшін мерзімінен бұрын шартты түрде мерзімінен бұрын босату мүмкіндігін шектеу ұсынылды", - деді Шпекбаев.
kaz.nur.kz
