Блок-бекеттерде тәулік бойы облыстық тауарлар мен көрсетілетін қызметтердің сапасы мен қауіпсіздігін бақылау департаменті, жергілікті полиция қызметі қызметкерлері мен жедел жәрдем дәрігерлері жұмыс жасауда.

Медициналық-бақылау бекетінде өңірге келушілердің міндетті түрде денсаулық жағдайы тексеріледі және тепловизор арқылы дене қызуы өлшенеді. Сонымен қатар, әрі қарай медициналық бақылауға алу үшін жеке мәліметтері алынып, сауалнама толтырылады.

Мұнымен қоса келуші азаматтарға ауру таралуының алдын алу бойынша профилактикалық түсіндірме жұмыстары жүргізіледі.

Айта кетейік, бүгінгі күнге дейін медициналық-қадағалау бекеттерінен 1432 адам өтіп, сауалнамалар толтырылды. Аталған азаматтар әрі қарай да медициналық бақылауда болады.