Алматыдағы орталық қалалық клиникалық аурухана басшысының міндетін атқарушы болып хирург, медицина ғылымдарының докторы, профессор Марат Абдоллаев тағайындалды.

Ол 1957 жылы Қызылорда қаласында туған. Алматы мемлекттік медицина институтын (қазіргі Қазақ ұлттық медициналық университеті), Мәскеу қаласындағы Проктология ғылыми-зерттеу институтының аспирантурасын бітірген.

Қызылорда облыстық ауруханасында және Алматы қаласындағы №1 клиникалық ауруханасында хирург, Қазақ онкология және радиология ғылыми-зерттеу институтында аға лаборант, Алматы қаласының орталық клиникалық ауруханасында проктология бөлімінің меңгерушісі қызметтерін атқарды. Қызылорда облыстық денсаулық сақтау департаментін басқарды. Қазақстан проктолог-дәрігерлер қауымдастығының президенті.

Еске салсақ, 14 сәуірде Алматы қаласы Қоғамдық денсаулық сақтау басқармасы басшысының бұйрығымен Алматы қалалық орталық ауруханасының меңгерушісі Алмас Болатұлы Жувашев қызметінен босатылған еді.