Коронавирус әлемге тек індет таратып қана қоймай, сонымен бірге экономикалық дағдарыс алып келді. Әлем елдерін шарпыған экономикалық дағдарыс елімізді де айналып өтпейді. Сондықтан осындай қауіптің алдын алу үшін Үкімет барынша тиісті шаралар қарастырып жатыр. Мемлекет басшысы Қасым-Жомарт Тоқаев жуырда халыққа арнаған мәлімдемесінде де бұл мәселеге баса мән беріп, экономикалық жағдайды басты назарда ұстайтынын айтты. «Бюджет шығыстарын тиімді салаға бұруға тырысамыз. Отандық кәсіпкерлерге қолдау көрсетуге жаңа жұмыс орындарын ашуға арналған бағдарламаларға кем дегенде 300 миллиард теңге бөлінеді» деді Мемлекет басшысы.

Президент айтқандай, кәсіпкерлер – эко­но­миканың негізгі тірегі. Еліміздегі ша­ғын және орта бизнес өкілдерінің жұ­мысы тоқтаса, дәл қазіргі қиын кезеңде мемле­кет үшін де, ел тұрғындары үшін де оңай болмасы анық. Сондықтан бұл орайда Президент оңтайлы шешім қабылдап, батыл қадамға барып отыр. Кәсіпкерлерге қолдау көрсету мақсатында бюджеттен 70 млрд теңге бөлінетін болды. Соның дәлелі, ел аумағында жарияланған төтенше жағдайға қарамастан ауданымызда шағын және орта бизнестің жұмысы әлсіреген жоқ, кәсіпкерлер мемлекет қолдауын әлі де сезініп отыр. Мәселен, азық-түлік дүкендері өз жұмысын жалғастырып, халыққа қызмет көр­сетіп келеді. Сауда орындарындағы тауар бағасы да қатаң бақылауға алынды. Сол секілді ауыл шаруашылығы өнімдерін өндіретін шаруалардың да науқандық жұ­мысы басталды. Бүгінде шаруашылық жұ­мыстары 100 пайыз техника күшімен атқа­рылады. Сондықтан көктемгі егіске шық­қан шаруашылықтар үшін жанармай үлкен мәселе болатын. Осы қиын кезеңде Президент Үкіметке жанармай бағасын 15 пайызға арзандатуды тапсырды. «Көк­темгі егіс науқаны үшін қарапайым зат­тар эко­но­микасы бағдарламасы арқылы қосым­ша 100 млрд теңге бөлуді тапсырамын. Ең ал­дымен шағын және орта шаруа қожа­лықтарына қолдау көрсеткен жөн. Сонымен қатар Үкіметке жанармай нарықтық бағасын 15 пайызға арзандатып, 165 теңгеге дейін төмендету міндеті жүктелді. Осыны қамтамасыз ету үшін 390 мың тонна жанармай жеңілдікпен сатылатын болады».

Бұны Президент халыққа жасаған мә­лім­демесінде айтты. Сонымен бірге Мем­лекет басшысы әкімдіктерге жергілікті кә­сіп­орындардың өні­мін кем дегенде 6 ай бойы кепілді сатып алу тәртібін жолға қоюды тапсырды. Бұл да аудандағы ауыл шаруашылығы өнімдерін өн­діретін шаруа­шы­лықтар үшін тиімді болмақ.

Қорыта айтқанда, елімізде жарияланған төтенше жағдай экономикалық дағдарыс ту­ғызбайды. Осы қиындықтардың алдын алу үшін Үкімет жан-жақты шараларды қарас­тырып, шағын және орта бизнес иелеріне мейілінше қолдау көрсетіп отыр. Енді тек кәсіпкерлер мемлекет тарапынан жасалып отырған мүмкіндікті тиімді пайда­ланып, мемлекет қолдауын тек өз мүддесі үшін ғана емес, ортақ мақсатқа бұрып, сындарлы сәтте мемлекеттің және халықтың қиындықтан шығуына өз үлестерін қосса игі.