Мемлекет басшысы Қасым-Жомарт Тоқаевтың жасаған мәлімдемесін зор қуанышпен қабылдадым. Өйткені Президент әлемдегі дағдарыстың ушыға түскенін ескеріп, зейнеткерлерден бастап, кәсіпкер, жұмыссыз азаматтарға дейін қолдау көрсету жөнінде қосымша шешім қабылдады.
Мәлімдемеде зейнетақы, мемлекеттік жәрдемақы және атаулы әлеуметтік көмек мөлшерін 10 пайызға индексацияланатыны айтылды. Сонымен қатар бұдан былай 42500 теңге көлеміндегі көмекті алатын азаматтардың санатын кеңейтіп, оған өзін-өзі жұмыспен қамтығандар мен ресми тіркелмей жұмыс істейтіндер де ие болатының айтты. Мүгедектерге және жұмыссыз ретінде тіркелген азаматтарға да тиісті көмек көрсетілетінің де ел назарына ұсынды.
Өздеріңізге белгілі қазіргі таңда әлемді алаңдатқан індет ел ішінде де өршіп барады. Ел басындағы азаматтар бұл вирусты ауыздықтауға барынша күш салып жатыр. Жалпы, осындай маңызды қадамдар қазіргідей күрделі кезеңде халықтың әл ауқатын, отандық бизнеске жасалған үлкен қолдау екені сөзсіз.

Р.ЕРӘЛІ,
зейнеткер