Бағдарлама шарапаты
Бұған дейін жазған мақалаларымызда биыл аудандағы бірқатар спорт нысаны күрделі жөндеуден өтіп, қайта жаңғыратынын жазған болатынбыз. Солардың қатарында “Наркескен” спорт клубының ғимараты да бар.Жұмыспен қамтудың жол картасы аясында "Наркескен" спорт клубының ғимаратын жөндеу жұмыстары жүргізілуде. Аудандық дене шынықтыру және спорт бөліміне қарасты бұл спорт клубының ғимаратын жөндеу үшін аудан бюджетінен қажетті қаржы бөлінген.
Аудандық дене шынықтыру және спорт бөлімінің басшысы Еркебұлан Жамалатовтың айтуынша, бұл ғимараттың жылу жүйесін қайта жаңғырту және ішкі төбе мен еден ағаштары, сыртқы жоғарғы шатыр мен ғимараттың сыртын қаптау жұмыстары жүргізілді. Қазіргі таңда жылу жүйелері ауыстырылуда.
Жұмыспен қамтудың жол картасы шеңберінде атқарылып жатқан бұл жұмыстарға барлығы 10 адам жұмысқа тартылған. Жергілікті жерден жұмыспен қамту орталығы арқылы 5 адам жұмыспен қамтылды.
Айта кету керек, «Наркескен» клубында 8 спорттық үйірмеде 560 оғлан спортпен шұғылданады.
Н.АЛМАС
