АҚ ХАЛАТТЫ АБЗАЛ ЖАНДАРҒА АЛҒЫСЫМ ШЕКСІЗ
Қазір елімізде коронавируспен қатар пневмония мен тұмау өршіп тұр. Осыдан біршама уақыт бұрын екі бауырым Алтыру, Қалилулла Әбіжалеловтер қатты ауырып, Мәдениет ауылдық ауруханасына түсті. Қалилулланың қызуы көтеріліп, жансақтау бөлімінде 5 күн жатты. Екеуіне де «екіжақты пневмония» деген диагноз қойылды. Бауырларымның ауыр халін көрген дәрігер мамандар дереу жансақтау бөліміне жатқызып, қажетті ем шараларын жүргізді.
Жансақтау бөлімінде реаниматолог Тимур Баджанов, Нұрболат Тәжмаханов бастаған дәрігерлер мен мейірбикелер 5 күн ішінде жағдайын қалыпқа келтіріп, жалпы палатаға ауыстырды. Екі бірдей бауырымның қиналғаны, қызуы көтеріліп, тәбеттері болмай қалғаны, әлсіздік пен жөтел қысқаны менің де жаныма батты.
Дегенмен, адам өміріне араша түсіп, қолынан келген барлық ем-домын жасап жатқан дәрігерлердің еңбегінің нәтижесінде бауырларым өздеріне келе бастады. Күні-түні әр науқасты жіті бақылаған антына адал жандардың арқасында бауырларым күннен-күнге жақсаруда. Оған да шүкіршілік еттік.
Осы ретте Мәдениет ауылдық ауруханасының ұжымына, Гүлсім Каюпова, Жамбыл Әбілқасымов, Батыр Іскендіров, Нұрболат Алмағанбетов, Жасұлан Сақыпбек, Бекзат Алтынбек, Раиса Абдуллаева, Сұлушаш Досыбек сынды ақ халатты абзал жандарға алғысым шексіз.
Бүгінде ауру асқынып, дерт дендеп тұр. Сондықтан еліміздің әрбір азаматы тәртіпке бағынып, қауіпсіздік шараларын қатаң ұстануы тиіс. Бұл – уақытша қиындық. Жақын күндері бұл кеселді еңсеріп, қалыпты өмірге қайта оралатынымызға сенімдімін.
Жансақтау бөлімінде реаниматолог Тимур Баджанов, Нұрболат Тәжмаханов бастаған дәрігерлер мен мейірбикелер 5 күн ішінде жағдайын қалыпқа келтіріп, жалпы палатаға ауыстырды. Екі бірдей бауырымның қиналғаны, қызуы көтеріліп, тәбеттері болмай қалғаны, әлсіздік пен жөтел қысқаны менің де жаныма батты.
Дегенмен, адам өміріне араша түсіп, қолынан келген барлық ем-домын жасап жатқан дәрігерлердің еңбегінің нәтижесінде бауырларым өздеріне келе бастады. Күні-түні әр науқасты жіті бақылаған антына адал жандардың арқасында бауырларым күннен-күнге жақсаруда. Оған да шүкіршілік еттік.
Осы ретте Мәдениет ауылдық ауруханасының ұжымына, Гүлсім Каюпова, Жамбыл Әбілқасымов, Батыр Іскендіров, Нұрболат Алмағанбетов, Жасұлан Сақыпбек, Бекзат Алтынбек, Раиса Абдуллаева, Сұлушаш Досыбек сынды ақ халатты абзал жандарға алғысым шексіз.
Бүгінде ауру асқынып, дерт дендеп тұр. Сондықтан еліміздің әрбір азаматы тәртіпке бағынып, қауіпсіздік шараларын қатаң ұстануы тиіс. Бұл – уақытша қиындық. Жақын күндері бұл кеселді еңсеріп, қалыпты өмірге қайта оралатынымызға сенімдімін.
Рита ЕҢСЕБАЕВА,
Жалағаш ауданының тұрғыны
Жалағаш ауданының тұрғыны
