Қызылорда қаласында 8 жастағы бала өткелден құлап кетті.

Бала кешкі уақытты күріш алқабын суаратын магистральді канал үстіндегі көпірден өтіп бара жатып абайсызда құлап кеткен. Жанында анасы болған. Бірақ ештеңе істей алмаған. Қараңғы түсіп кеткендіктен құтқарушылар да көмек бере алмады.

«67 жеке құрам, 7 бірлік техника, 3 моторлы қайық, 3 сүңгуір және 2 кинологиялық топ жұмылдырылып іздестіру жұмыстары жүргізілуде. Судың жылдамдығы үлкен деңгейде болып отыр, соған байланысты күрішке дейін баратын барлық суармалы каналдарда іздестіру жүргіземіз», – дейді «Өрт сөндіру және авариялық құтқару қызметі» мекемесінің басшысы Нұрсұлтан Ибрагимов.

Айта кетейік, бұл «Сталинск» каналына осыдан 2 күн бұрын 4-сынып оқушысы батып кеткен болатын.
Жалпы, жыл басынан бері облыс бойынша 13 адам суға кетсе, соның 8-і бала.