Бүгін аудандық полиция бөлімінің көші қон қызметі тобы кент орталығындағы бірқатар құрылыс нысандарында заң аясында жұмыс жасап жатқан еңбекші көшіп келушілерге ҚР Үкіметінің 2021 жылы 21 қаңтарда №148 қаулысымен бекітілген “Көшіп келушілердің Қазақстан Республикасына келуінің және онда болуының, сондай-ақ олардың Қазақстан Республикасынан кетуінің қағидаларын түсіндірді.

Құрылыс нысандарын аралау барысында АПБ КҚҚТ-ның аға инспекторы, полиция капитаны Әділбек Наурызбаев еңбекші көшіп келушілерге өзіне рұқсат етілген белгілі уақыт аралығында ғана жұмыс жасай алатындарын жеткізді. Сондай-ақ еңбекші көшіп келушілер жұмыс жасап жатқан елді мекенде өзінің тұрғылықты мекен-жайын ауыстырған жағдайда 3 жұмыс күн ішінде АПБ КҚҚТ-ға хабар беруге міндетті. Түсіндірме жұмыстары барысында мұнан өзге де заңдылықтар қамтылып, полиция капитаны Әділбек Наурызбаев еңбекші көшіп келушілердің мейлінше қылмыстан аулақ болу қажеттігін қаперіне салды.