Ал дәрігерлер екпе алған науқастарда дерт ас­қын­бай, өлім-жітім кездеспей жа­тыр деп халықты оны уақытылы қабыл­дауға үндеуде. Шынында ел екіұдай қара­ма-қайшы пікірден сергелдеңге тү­­­суде. «Вакцина алсаң, 2-3 жылдан кейін жан тап­­­­­сырасың» деген суық хабар да әлеуметтік желі ар­қы­лы тарады. «Тәжірибеден өт­пеген вакцинаны біз ар­қылы сынақтан өт­­кізіп жатыр» деп шулаған ел тіпті дә­рі­герлерге шабуылдап та жатыр. Осын­­дай­­да бір жаман ой келеді адамға. Мүм­кін бұл адам санасына ақпараттық ша­­­буыл жасап, оны үрей­мен улау ма де­ген. Әйтпесе вакцинаны ғылы­ми не­гізде даяр­лап, қолданысқа енгізген ғалымдар халыққа зиян жасамайтын шығар. Арада алып-қаш­па әңгіме таратып жүрген жа­сы­рын белсенді ұйым бар секілді. Қалай болғанда да өте қиын жағ­дайды халық бас­тан өткеріп жатқаны шын­дық. Алла тек сан­сырап санасы сан сынаққа ду­шар бол­ған елдегі ағайындарға сабыр бер­сін. Сон­дық­­тан қарапайым халықтың кө­зін ашу үшін ең бі­лікті деген маманның вак­цинаға қатысты пікірі ел­ді дүрліктірген дүрмекке тоқтау жасар деген ой­­дамын. Осы орайда профилактикалық меди­ци­­на ака­демиясының президенті, Америка ден­саулық сақтау қауымдастығының мүшесі Алмаз Шар­­­манның вакцинаға қарсы топ­тың уәждеріне жауабын тыңдасақ.

«Кейбір антиваксерлер вак­ци­на­лар­дағы қан­дай да бір зиянды химиялық заттардың болуына «алаң­дау» қажет деген қауесетті таратуда. Олар­­дан мұндай уәж есту қиын, өздері тек қана орга­ни­­калық тамақ жеп, Тибеттің ауасымен дем алып, Альпі суын ішіп жүрген жоқ. Әлемде 100 пайыз қа­уіп­­сіз ештеңе жоқ. Тіпті қарапайым нан глютенге қар­сы көрсетілімі бар адамдарды ауыр жағдайға, кейде өлімге әкелуі мүмкін. Вакцинаға қарсы адам­дар көп мөлшерде қабылдайтын биологиялық бел­­­­сенді қоспалар мен дәрі-дәрмектердің жанама әсер­­лері болуы мүмкін. Сонымен қатар, қазіргі вак­­­­цина өндірісі тазарту дәрежесі мен өндірістік қа­уіпсіздіктің барлық талаптарын сақтау бойын­ша жо­ғары деңгейде», – деп жазды дәрігер Facebook парақшасында.

Оның айтуынша, вакцинаға наразы топтың тағы бір аргументі – қазіргі вак­ци­налауды толық аяқталмаған вак­ци­на­лар экспериментіне қауіпті қатысу деп есеп­тейді. «Олай болса, 120 жыл бұрын шыққан аспириннің қанға әсері туралы клиникалық зерттеулер әлі де жүргізіліп келеді. Анти­вак­серлердің осы пікі­ріне сүйенсек, пла­нетадағы мил­лиардтаған адам­дар аспи­ринді сынауда «тәжірибелік қоян» болған. Қазіргі уақытта COVID-19 – алдын алуға болатын ауру. Вакцина 100 пайыз болмаса да, коронавирус инфекциясынан жақсы қор­ғайды және аурудың ауыр өтуінің алдын алады. Әрине, вакцинаның өзі ковидті ту­дыр­май­ды. Қазіргі уақытта әлемде 4 мил­лиард доза түрлі вакциналар салынды және вакцинадан туын­даған коронавирус ин­фекциясының бірде-бір жағдайы болған жоқ. Вакцина алғандар іс жүзінде ковидтен қайтыс болмайды», – дейді А.Шарман.

Сонымен бірге, вакциналар репро­дук­тивті бұ­­зы­­лулар мен жаңа туған нә­рес­телердегі де­фор­­­мациялардың да­муы­на әкелмейді. Кері­сін­ше, ковидпен ауы­ратындарда бедеулік, бел­сіз­дік, шала туу, сондай-ақ мидың, жүректің және басқа органдардың созылмалы бұзылуы, ақыл-ой қабілетінің төмендеуі қаупі бар. «Қазір күн сайын 7 мыңнан астам қазақстандық ко­ронавирус жұқтырып, 150-ден астам науқас қайтыс болуда. Бұл – үлкен тра­гедия, егер көп­теген адамдар халықты адастырмағанда және көпшілігіміз қажетті вакциналарды уақы­тылы алғанда, бұ­лай болмас еді. Өкінішке орай, Қазақ­стан­да халықтың 80 пайыздан ас­та­мы коро­на­вирусқа қарсы екпе салдырған жоқ. Бұл оның таралуы мен мутациясы үшін өте қолайлы орта. Мұндай жағдай әлі де жал­­ғасса, коронавирустың жұқпалы және аг­рес­сивті нұсқаларына байланысты індет­тің жаңа толқындарына тап боламыз. Жеңілдеген ка­ран­тиндік шаралар кезін­де­гі вакциналау про­цесі аса жұқпалы ко­ро­навирустың вакцинаға тө­зімді жаңа нұс­қа­ларын қалыптастыруға ық­пал етеді. Се­бебі бұл вирустың табиғи процесі. Аза­мат­тардың басым көпшілігі, шамамен 80 пайызы вакцина алғанша карантин шара­ларын әлсіретуге болмайды», – дейді ол.

Міне, маман пікірі осындай. Шындыққа жа­на­­сатын секілді. Сондықтан құр бай­балам мен дақпыртқа ермей, бұл кәсіптің өз маманы, яғни дәрігерге жүгінейік. Жөні сол.