Дертпен күресуде жүйелі шаралар қабылданды
Мемлекет басшысы Қасым-Жомарт Тоқаев Қазақстан халқына Жолдауында денсаулық сақтау саласына ерекше тоқталды. Ол өз сөзінде коронавирус аталған сала үшін үлкен сынақ болғанын тілге тиек етіп, күніне мыңдаған отандасымыз аталған дертке шалдығып жатқанын атап өтті.
Ел Президенті дертке қарсы күресте жүйелі шаралар қабылданғанын айтып, Қазақстан вакцина өндіруде алдағы санаулы елдердің қатарынан орын алғанын атап өтті. Сондай-ақ ол отандық вакцинаға әлем елдерінен де сұраныс болғанына тоқталды. Қасым-Жомарт Кемелұлы алдағы уақытта дәрі-дәрмек қорының 50 пайызын отандық өнім құрауы қажеттігін айтып, осыған жұмыс жасау қажеттігін ескертті.
