Сайлауалды бағдарламаның орындалуы, көрсетілген жобаларды іске асыру халық қалаулыларының күн тәртібінен түскен емес. Бүгінде аудан бойынша сайлауалды бағдарламаны іске асыру жөніндегі Жол картасының 8 айда орындалуы тиіс 89 іс-шараның 26-сы немесе 29,2 пайызы толықтай орындалған. 9 іс-шараның мерзімі келмеген, ал 54 іс-шара немесе 60,7 пайызы орындалу үстінде. Бұл туралы “Nur Otan” партиясы аудандық филиалының төрағасы, аудан әкімі А.Шаменовтың төрағалығымен өткен басқосуда айтылды.

Жалағаш аудандық мәсли­ха­­тын­­­дағы «Nur Otan» партиясы де­пу­­таттық фракциясының мүшелері және аудандық партия филиалының Саяси кеңес мүшелерінің бірлескен отырысында халық қалаулылары мен Саяси кеңес Бюро мүшелерінің назарына «Өзгерістер жолы: Әр азаматқа лайықты өмір!» атты «Nur Otan» партиясының сайлауалды бағ­дар­ламасын іске асыру жөніндегі Жа­ла­ғаш ауданы бойынша жол кар­тасының 2021 жылдың 8 айындағы орындалуы баяндалды. Аталған Жол картаның орындалуын аудандық эко­но­мика және бюджеттік жоспарлау бөлімінің басшысы Ж.Баймаханова кеңінен тарқатты.

Биыл тамыз айында Жалағаш ау­дандық мәслихатындағы «Nur Otan» партиясы депутаттық фракциясының мүшелері тұрғындарға арнап көшпелі қоғамдық қабылдау өткізген болатын. Тұрғындармен кез­десу барысында ауыз су, жол, білім, денсаулық, мәдени ошақтардың құ­рылысы сынды мәселелер назарға алынған. Бүгінде «Ауыл – Ел бесігі» жобасы аясында республикалық бюд­­­жеттен Таң ауы­лының 6 көшесін орташа жөндеу жұмыстарына 239,5­ ­млн теңге бөлініп, жөндеу жұ­мыс­та­ры аяқталды. Сондай-ақ атал­ған ауылдағы №118 орта мек­теп ғи­маратын күрделі жөндеуге ел қа­зы­на­сынан 181,1 млн теңге, об­лыс­ тайқазанынан 15 млн теңге, барлығы 196,1 млн теңге бөлініп, жөн­деу жұ­мыстары жүргізілді. Қазіргі таңда об­лыстық басқарма ар­қылы Таң елді мекенінде жоба құны 140 млн теңге болатын дәрігерлік амбулаторияның құрылыс жұмыстары да басталып кетті.

Осыған дейін Еңбек және Есет батыр ауылдары аралығындағы ЮК-146-70 көпірін қайта жаңғырту жұ­мыс­тарын жүргізуге жоба-сметалық құ­жаттар әзірленген болатын. Мем­ле­кеттік сараптамадан өткен көпір құрылысына қатысты жобаның жалпы құны 149,5 млн теңгені құрайды. Жо­ба­ны іске асыру үшін биыл 59,7 млн тең­ге бөлініп, жөндеу жұмыстары жүргізілуде.

Жалағаш кентіндегі темір жол арқылы жаяу жүргіншілерге арналған аспалы көпір құрылысына да жоба-сметалық құжаттар әзірленген еді. Мем­лекеттік сараптамадан өткен жо­­баның жалпы құны – 184,8 млн теңге. Оны қаржыландыру үшін 2021 жылға бюджеттік өтінімдер тиісті бас­қармаларға тапсырылды.

Айта кетейік, аудан бойынша 2022 жылға «Ауыл – Ел бесігі» жобасы аясында республикалық бюджеттен қаржыландыруға 938,6 млн теңгені құрайтын 8 жоба ұсынылыпты. Олар­дың қатарында М.Шәменов елді ме­кеніндегі Мәдениет үйі ғимаратын күр­делі жөндеу, ішкі көшелерін ор­та­ша жөндеу, елді мекендегі ау­дан­­дық маңызы бар кірме жолды жарықтандыру, кенттегі М.Шәменов көшесін орташа жөндеу, Аққұм елді мекенінің ішкі көшелерін орташа жөн­деу жұмыстары бар.

Жиын соңында аудандық партия фи­лиалының төрағасы, аудан әкімі А.Ша­менов «Nur Otan» партиясының сай­лауалды бағдарламасын іске асыру жө­ніндегі Жалағаш ауданы бойынша жол картасының 2021 жылдың қо­ры­­тындысымен жоспарланған іс-ша­раларды толығымен орындауды әр­бір шараға бекітілген депутаттық фрак­ция мүшелеріне бақылауға алып, мо­­ниторинг жұмыстарын жүргізуді тапсырды.