Ұстаздар марапат төрінде

Ұстаз деген — бұл ғылымға жетелейтін маман ғана емес, адамды рухани байытатын тұлға. Ұстаздар ерекше азаматтық миссияны орындайды — келер ұрпаққа тәрбие береді. Ұстаздар күніне орай «Nur Otan» партиясы  Жалағаш аудандық мәжіліс залында шәкірттерін білім нәрімен сусындатып, тәлім - тәрбие беріп, жақсы қасиеттерді бойына дарытып жүрген  ұстаздар еңбегі еленіп, марапатталды.
Шараға аудандық маслихат хатшысы Г.Құрманбаева және аудандық маслихат депутаттары А.Кенжебаев пен Г.Айтжанова қатысты.

 Шара барысында аудандық маслихат депутаттары  айтулы мерекемен құттықтап, өз сөзінде ұрпақ тәрбиесінде ұстаздарға қай кезде де үлкен жауапкершілік, зор міндет жүктелетінін айтып өтті. Салтанатты бас қосуға жиылған ұстаздардың еңбектерін бағалап «Nur Otan» партиясы  Жалағаш аудандық филиалының төрағасы, аудан әкімі Асылбек Өмірбекұлы  Шаменовтың  алғыс  хатымен марапатталды.