Елімізде қазанның алғашқы жексенбісі – мұғалімдер күні. Ұстаз – ұлт пен ұрпақ үшін қасиетті ұғым. Сол үшінде ұстаздар күні қарсаңында ерекше құрмет көрсетіп, үздіктерін марапаттау қашаннан дәстүрге айналған.

Бүгін «Nur Otan» партиясының Жалағаш аудандық филиалының ұйымдастыруымен, «Nur Otan» партиясы Қызылорда облыстық филиалы төрағаның бірінші орынбасары Л.Төрешованың «Алғыс» хатымен бірқатар ұстаздар марапат төрінен көрінді.

Бүгіні марапаттау шарасына Жалағаш аудандық маслихаттағы «Nur Otan» партиясы депутаттық фракциясының мүшелері – Тәжібаева Ұлжахан Баймұратқызы, Кенжебаев Ахан Алтынбекұлы және Досымов Қайрат Алмасұлы қатысты. Партия жұмысына белсенділік танытып жүрген бірқатар мұғалімдерді марапаттап, мерекелерімен құттықтады.

Барша ұстаздарымызды мерейлі мерекемен құттықтай отырып, өскелең ұрпақ тәрбиелеудегі өрелі жұмыстары мен еліміздің гүлденуі жолындағы абыройлы істеріне толымды табыс тілейміз.