Жалағаш аудандық маслихаттағы «Nur Otan» партиясы депутаттық фракциясының жетекшісі Қаншагүл Мұстафаева, аудандық маслихат депутаттары Қайрат Досымов, аудандық маслихат депутаты, аудандық партия филиалының сыбайлас жемқорлыққа қарсы іс-қимыл жөніндегі қоғамдық кеңес төрағасы Ахан Кенжебаев, партиялық бақылау комиссиясының төрағасы Қанбибі Асқарова, ПБК мүшесі, ардагер технадзор Базарбай Наурызбаевтар №124 орта мектеп ғимаратының күрделі жөндеу жұмыстарының қарқынына мониторинг жұмыстарын жүргізді.

№124 орта мектеп ғимаратын күрделі жөндеуге облыстық бюджеттен 368 млн теңге қаржы бөлініп, жұмыстар жүргізілуде. Мердігер мекеме де ашық конкурс арқылы анықталып, қазіргі таңда "Строй Центр Түркістан" ЖШС жұмыс жасауда. 2021 жылдың 1 тамызында басталған жөндеу жұмыстары қарқынмен өз уақытымен жүргізілуде. "Строй Центр Түркістан" ЖШС жауапты өкілдері жөндеу жұмыстарын жыл аяғына дейін аяқтап, білгіленген межеде тапсыратындарын жеткізуде. Екі бригада жұмыс жасап, нақты жұмыстың 40 % аяқтаған.
«Nur Otan» партиясының «Өзгерістер жолы: Әр азаматқа лайықты өмір!» атты Сайлауалды бағдарламасының Жалағаш ауданы бойынша Жол картасында қамтылған бұл нысан алдағы уақытта партияның назарында болып, мониторинг жұмыстары жалғасатын болады.