Энергетикалық сусындарды көп мөлшерде қолдану аяқ-асты жүрек ұстамасына әкелуі мүмкін, деп хабарлайды Express газетіне сілтеме жасап Stan.kz ақпарат агенттігі. 

Зерттеу нәтижелері Анадолы кардиология журналында жарияланды. Кардиолог мамандар энергетикті қауіпті ететін кофеиннің үлкен концентрациясы. Ол жүректің жұмысына нашар әсер етеді. Кофеинді өз кезегінде гуарана атты өсімдіктен алады.

Жүрек ұстамасы қатты аритмиядан пайда болуы мүмкін. Яғни жүрек жиілігінің, ырғағының және реттілігінің патологиясынан, ол өте тез немесе өте баяу соғуы мүмкін, дейді басылымда.

Өлім қауіпі бар жағдайды алдын алу үшін аритмия пайда болған кезде адам дәрігерлерге жүгініп, жүрек соғу жылдамдығын қалпына келтіруі керек.