«ИМАНҚҰЛДЫҢ» ЖАМАҒАТТАРЫ ЖЕҢІМПАЗ АТАНДЫ

Жуырда Қазақстан Мұсылмандары діни басқармасының Қызылорда облысы өкілдігі «Ақмешіт-Сырдария» орталық мешітінің ұйымдастыруымен Қызылорда қаласының 200 жылдығына орай мешіт жамағаттары арасында ел арасындағы бірлікті, бауырмалшылықты нығайтып, тұрғындар арасында салауатты өмір салтын насихаттап, гуманизмді және толеранттылықты қалыптастыру және адами құндылықтарды қастерлеуге үндеу мақсатында «Евразия» спорт кешенінде «Бірлігі жарасқан жамағат» атты облыстық спартакиада өтті.

Спартакиадаға қатысушы командалар «Сәлемдесу», «Үй тапсырмасы», «Аламан», «Қаппен секіру», «Кім жүйрік», «Арқан тарту», «Теннис жарысы», «Капитандар сайысы» секілді сегіз кезеңнен сынға түсті. Нәтижесінде ауданымыздағы «Иманқұл» мешітінің жамағаттарынан құралған команда бас жүлдені жеңіп алды.

Қ.АХЕТОВ.