Кем дегенде бір рет палау әзірлеген адам оны сықырлы тағамға айналатын рәсім сияқты екенін біледі. Бірақ барлық іс-әрекеттер белгілі бір дәйектілікпен орындалса да, кез-келген аспаз дәмі бірдей екі палау жасау мүмкін еместігін сеніммен айта алады.

Бүгін біз сіздермен бірнеше рет әзірленген палаудың рецептімен бөлісеміз. Дәмді палауды қалай жасау керектігі туралы кеңес сіздерге ұнайды деп үміттенеміз.
Бұл ерекше палауды әзірлемес бұрын, 1 кг қой еті, 500 г ұзындәнді күріш, 5 үлкен және 1 кішкене пияз, 200 мл өсімдік майы немесе қойдың іш майы, 2 бас сарымсақ, 4 үлкен сәбіз, 2 дана қызыл лазы, 1 ас қасық зира, дәміне қарай тұз және бұрыш, 1 ас қасық кептірілген бөріқарақат, 8-10 дана сүйекті қара өрік, 150 г сүйексіз мейізді дайындап аламыз.
Шығыс асханасының білікті аспаздары ұсынатын палауды дайындау әдісі мынадай:
Бірінші қазанға май құйып, оны жақсылап қыздырыңыз. Егер сіз қойдың майын қолдансаңыз, оны шыжғырып, қуырылған шыжықты алып тазалаңыз. Оларды тұздап, қуырылған дәмді жұмыртқа немесе картоп жасауға болады. Содан кейін пиязды қарайғанша майға қуырып, алып тастаңыз.



Пиязды жарты сақина, ал сәбізді – 2-3 мм қалыңдықта ұзын сабан етіп тураңыз. Қазандағы майға пиязды салып, оны қара алтын түске айналғанға дейін қуырыңыз. Бұл палауға әдемі түс береді. Содан кейін сәбіз қосып, оны жұмсарғанша пісіріңіз. Отты аздап азайтып қойсаңыз да болады. Сәбіз қуырылғанда біркелкі түсте болуы үшін оны жиі араластырыңыз. Сәбіз жұмсарғаннан кейін, оны бөлек ыдысқа сүзіп алыңыз. Отты қайта көтеріп, тағы да май қыздырыңыз. Май қызғаннан кейін бір ас қасық зираны қазанға салыңыз. Себебі, зира сол кезде ғана бүкіл хош иісін береді. Содан кейін туралған етті салып, араластырыңыз. Қой еті кішкене күрең қоңыр түсті болуы керек. Майдың ыстық болғаны маңызды, әйтпесе, еттен шырын бөлініп күйе бастайды. Егер шырын бөлінген болса, етті майдың түсі тұнық болғанға дейін қуырыңыз. Бұл еттің дайын екендігінің белгісі.



Содан кейін қазандағы етке, қуырылған көкөніс қоспасын қосып, араластырыңыз да, оларды тағы бір 3 минутқа қойып қойыңыз. 2-3 минут өткеннен кейін оған қайнаған су қосыңыз. Ол қазандағы қоспаны шамамен 3 см-ге дейін жауып тұруы керек. Осыдан кейін қызыл лазы, ашылған сарымсақтың басын, бөріқарақат, қара өрік, тұз және бұрыш қосыңыз. Бұл қоспа «зирвак» деп аталады. Зирвак қайнағаннан кейін, отты азайтып, қоспа қажетті түс алу үшін оны 40 минут қайнатыңыз.



Зирвак дайындалып жатқанда күрішті су мөлдір болғанша бірнеше рет жуыңыз.
40 минут өткеннен кейін қазандағы қоспаның дәмін көріңіз. Ол аздап тұзды болуы керек. Бірақ, оған алаңдайтын ештеңе жоқ, себебі ол тұзды күріш сіңіріп алады. Дайын болған қоспаған қызыл лазыны қосыңыз.
Содан кейін қазандағы еттің үстіне күріш салып, оны тегістеңіз. Зирвак күрішті шамамен 2 см жауып тұруы тиіс. Бәрін салып болғаннан кейін қазандағы қоспаны қайнатыңыз.



Палау біркелкі шығуы үшін, күріштің үстіңгі қабатын ақырындап көтеріп, оларды аударған жөн. Бірақ етпен араластырушы болмаңыз. Ет күйіп кетпеуі үшін қазандағы қоспаға ағаш таяқшалар сұғып, тесіктер жасау керек. Сұйықтық жарқырай бастағанда отты азайтып, палаудың бетін қақпақпен жабыңыз. Сағатқа қарап 20 минут белгілеп қойыңыз. Сол кезде күріш қалған сұйықтықты сіңіріп, соңына дейін езілмей піседі. Ең соңында күріштің бетіне мейіз сеуіп, отты өшіріңіз. Қазанның астын өшіргеннен кейін палауды тағы да 20-30 минутқа қойып қойсаңыз, ол одан да дәмді болады.
Піскен палауды жайпақ табаққа салып, сарымсақпен және палаудағы қызыл лазымен әдемілеп безендіріңіз.
Барлығын дастархан басына шақырып, палаудан дәм татыңыз!

http://stan.kz