"Гламур" сән салонында оқыту курстары басталды

Жалағаш ауданы жастарының "Темірқазық" қоғамдық бірлестігі жастар арасындағы жұмыссыздықты жою мақсатында бірқатар шаралар өткізуде. Осы мақсатта 18-29 жас аралығындағы жұмыссыз жастарға "Гламур" сән салонында бет әрлеу және маникюр оқыту курстары басталды. 2 аптаға созылатын оқу курсында жастар аталмыш сән салонының директоры, визажист, маникюр мастері Жармаxан Сандуғаштан дәріс алып, тәжірибе алмасады. Курс соңында қатысушыларға сертификат табысталып, алған білімі мен тәжірибесін іс жүзінде көрсетуге мүмкіндік бар. Оқыту курсы қоғамдық бірлестік арқылы тегін жүргізіледі.