Су астында да жұмыс істейтін ноутбук жасалды
Суға салса батпайтын бұл девайс Uncia деп аталады. Raytheon компаниясы жасап шығарған бұл құрылғы су ішінде де өз жұмысын тоқтатпайтын әлемдегі алғашқы ноутбук. Ол China Joy қытай көрмесінде ресми түрде таныстырылды. Құрылғы 13 дюймді дисплейге ие және сыртқы корпусының қалыңдығы – 12,7 мм, салмағы – 1,1 кг. Девайс шаңның, судың кіруінен қорғайтын стандартты IP68 деңгейімен қорғалады. China Joy таныстырылымы кезінде құрылғы жиынға қатысушылар алдында суға батырылып, сынақтан өткізілді. Сәйкесінше, ол су астында да өз жұмысын еш қиындықсыз әрі қарай жалғатырды.
Uncia ноутбугы Intel Core i7-8550U төрт ядерлі процессорымен жұмыс жасайды. Оның нарықтағы бағасы және қай уақытта сатылымға шығатыны жайлы нақты ақпарат ресми түрде жарияланбады.
Massaget.kz
