Қазақстанда жұмыссыздық деңгейі 4,9% құрады

Қазақстанда жұмыссыздық деңгейі 4,9% құрады

Қазақстанда ағымдағы жылдың шілде айындағы жұмыссыздық деңгейі 4,9% құрады, деп хабарлайды Baq.kz ақпарат агенттігі.

Статистика комитетінен хабарлағандай, республика экономикасында 2018 жылғы шілдедегі бағалау бойынша 8,7 млн. адам жұмыспен қамтылды. Жұмыспен қамтылған халық арасындағы жалдамалы қызметкерлер саны аталған кезеңде 6,6 млн. адамды (жұмыспен қамтылғандардың жалпы санынан 76,1%) құрады.
2018 жылғы II тоқсан алдын-ала деректері бойынша өзін-өзі жұмыспен қамтығандардың жалпы санынан жұмыспен нәтижелі қамтылғандар үлесі 90,3%, жұмыспен нәтижесіз қамтылғандар – 9,7% құрады.


2018 жылғы шілдеде жұмыссыздар саны, бағалау бойынша 442,5 мың адамды, жұмыссыздық деңгейі 4,9% құрады. Жұмыспен қамту органдарында 2018 жылғы шілде айының соңына 154,6 мың адам ресми тіркелген. Тіркелген жұмыссыздар үлесі жұмыс күшінің санының 1,7%-ын құрады.
Жасырын жұмыссыздық деңгейі 2018 жылғы II тоқсанда жұмыс күшінің санының 0,3%-ын (25,9 мың адам) құрады.


Baq.kz