Жуырда Ш.Ермағанбетова атындағы №246 орта мектепте «Менің таңдауым балаларға көмек көрсету» үндеуімен «Мектепке жол» акциясы өтті.
Акция аз қамтылған және көпбалалы отбасынан шыққан, же­тім балалар мен ата-анасының қамқорлығынсыз қалған бала­ларға жаңа оқу жылына дайындық кезеңінде көмек көрсетуге бағытталған. Осындай санаттағы балаларды мектеп киімдерімен, оқу құралдарымен қамтамасыз ету арқылы әлеуметтік себептермен мектептен тыс қалып қоймауына ықпал жасау. Білім ошағында өткен акцияда барлығы 65 бала қамтылды. Оның ішінде аз қамтылған отбасынан шыққан балалар – 16, толымсыз отбасынан– 15, мүмкіндігі шектеулі – 6, көпбалалы отбасынан шыққан оқушылар саны – 19.
Игі істе ұстаздар қауымы белсенділік танытып, қолынан келген көмегін көрсетті. Қайырымдылық шарасына мектеп әкімшілігімен қатар депутаттар, жеке кәсіпкерлер және 2013 жылы мектеп бітірген түлектер демеушілік жасады. Оқушыларға мектеп формасы, оқу құралдары және қаржылай көмек көрсетілді.