Аймақта сыбайлас жемқорлық сипатындағы қылмыс азайған

Бұл туралы бүгін Өңірлік коммуникациялар қызметінде ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша мемлекеттік қызмет істері департаментінің басшысы А.Мұхимов мәлімдеді.

2017 жылдың қорытындысымен жемқорлық сипатындағы қылмыстар 16,6% азайып отыр. Жемқорлық қылмыстар бойынша 72 тұлға қылмыстық жауапкершілікке тартылды. Келген залал сомасы 658 991,75 мың теңгені құрады. Оның ішінде өндірілгені 625 574,4 мың теңге, яғни орындалу көрсеткіш 94,9%-ды құрады, - деді Абзал Мұхимов.
Жиында сондай-ақ, Абзал Мұхимов Елбасы Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына арналған дәстүрлі Жолдауына қатысты өз ойын білдірді.
Айтуынша, аймақтағы мемлекеттік органдарда, үкіметтік емес ұйымдарда және саяси партияларда, этномәдени бірлестіктерде және жеке мекемелерде осы Жолдаудың тоғызыншы бағытын түсіндіру бойынша үлкен акция ұйымдастырылған. Жалпы екі мыңнан астам еңбек ұжымдарында осындай талқылаулар өткізілген.