Тұмсығымен есікті қақты: Қанаты сынған көгершін клиникаға өзі келді
Ресейдің Омск қаласында жараланған көгершін ветенринарлық клиникаға өзі келген. Клиника қызметкерлерінің сөзінше, олар жұмыс істеп жатқан кезде, әлдекім шыны есікті қаққан. Сол кезде дәрігерлер есіктің арғы жағынан аппақ көгершінді көреді.
Бұл туралы NGS55.ru басылымына сілтеме жасап Stan.kz хабарлайды.
Мұнан кейін дәрігерлер көгершінді қолға алған. Өз кезегінде құс еш қарсылық көрсетпепті. Анықталғандай, оның иық сүйегі сынған екен. Дәрігерлер көгершінге Френк есімін беріп, артынша оған ота жасаған.
«Ота күрделі болған жоқ. Жабық сынық. Оны дәрігерлер емдеді. Бүгінде Френк ұшуға дайын», – дейді мал дәрігері Полина Смыслова.
Әзірге дәрігерлер Френкті еркіндікке жібермейді. Себебі мұндай жарақаттан кейін біраз уақыт жаттығуы тиіс.
Сонымен қатар көгершін асыл тұқымды болып шыққан. Сондықтан дәрігерлер оны зоодүкенге табыстайды. Көгершін сол жерде өз иесін күтеді.
Stan.kz
