ДЕМОКРАТИЯЛЫҚ ҚОҒАМНЫҢ АЛҒЫШАРТЫ
Сәрсенбіде әкімдіктің мәжіліс залында аудандық мәслихаттың кезектен тыс 36-сессиясы өтті. Депутат М.Жаманов төрағалық еткен сессия отырысында аудандық сайлау комиссиясы мен учаскелік сайлау комиссияларын сайлау туралы мәселе қаралды.
Көтерілген мәселеге орай аудандық мәслихат депутаты М.Құлболдиев хабарлама жасады. Халық қалаулысының айтуынша, аудандық мәслихаттың 2014 жылғы 9 сәуірдегі 30-сессиясында аудандық, округтік және учаскелік сайлау комиссияларының мүшелері жасақталған болатын. Еліміздің Сайлау туралы Конституциалық Заңының 10 бабында сайлау комиссияларының өкілеттiк мерзiмi бес жыл екені айтылған. Сондай-ақ, сайлау комиссияларының жаңа құрамын құру сайлау комиссияларының өкілеттiк мерзiмi аяқталардан кемінде екi ай бұрын басталатыны және әрбiр саяси партия немесе қоғамдық бірлестіктер тиiстi сайлау комиссиясының құрамына бiр кандидатура ұсынуға құқығы бар екені көрсетілген.
Осыған орай, «Жалағаш жаршысы» газетінің 2018 жылғы 30 қарашадағы №91 санында аудан бойынша сайлау комиссияларының жаңа құрамы құрылатыны туралы хабарлама да берілді. Онда комиссия мүшелері саяси партиялардың немесе өзге қоғамдық бiрлестiктердiң және жоғары тұрған сайлау комиссияларының ұсыныстары бойынша сайланатыны, ұсынылатын құжаттар тізімі, аудандық мәслихаттың мекен жайы мен ұсыну мерзімі көрсетілген болатын.
Көрсетілген мерзім ішінде аудандық сайлау комиссиясының құрамына «Нұр Отан» партиясынан Садық Әлиев, Қазақстанның “Ақ жол” демократиялық партиясынан Өмірбек Бекмолдаев, “Қазақстан Коммунистік халық” партиясынан Әсия Мәдиева, «Ауыл» ХДП партиясынан Табынбай Ахметов, «Бірлік» саяси партиясынан Мұрат Жанабергенов, аудан жастарының «Темірқазық» қоғамдық бірлестігінен Ақбөпе Бектаева және «Жалағаш достық мекені» қоғамдық бірлестігінен Әсия Құлымбаеваның кандидатуралары ұсынылды.
Осы сынды мәліметтерді алға тартқан М.Құлболдиев аудандық сайлау комиссиясына ұсынылып отырған кандидатураларды ашық дауыс беру арқылы сайлап, шешім жобасын бекітуді ұсынды. Мәслихат депутаттары бірауыздан қолдау білдірді.
Учаскелік сайлау комиссияларын сайлауға байланысты мәселе аудандық мәслихаттың тұрақты комиссияларының отырысында қаралғандықтан депутаттар қайта қараудың қажеті жоқ деп тапты. Бұл жөнінде “Нұр Отан” партиясы аудандық филиалы төрағасының бірінші орынбасары Қ.Мұстафаева мен мәслихат депутаты К.Сүлейменов өз ойларын білдіріп, көтеріліп отырған мәселені қолдауға болатынын айтты. Басқа да халық қалаулылары бірауыздан қолдады.
М.АХМЕТОВ.
Көтерілген мәселеге орай аудандық мәслихат депутаты М.Құлболдиев хабарлама жасады. Халық қалаулысының айтуынша, аудандық мәслихаттың 2014 жылғы 9 сәуірдегі 30-сессиясында аудандық, округтік және учаскелік сайлау комиссияларының мүшелері жасақталған болатын. Еліміздің Сайлау туралы Конституциалық Заңының 10 бабында сайлау комиссияларының өкілеттiк мерзiмi бес жыл екені айтылған. Сондай-ақ, сайлау комиссияларының жаңа құрамын құру сайлау комиссияларының өкілеттiк мерзiмi аяқталардан кемінде екi ай бұрын басталатыны және әрбiр саяси партия немесе қоғамдық бірлестіктер тиiстi сайлау комиссиясының құрамына бiр кандидатура ұсынуға құқығы бар екені көрсетілген.
Осыған орай, «Жалағаш жаршысы» газетінің 2018 жылғы 30 қарашадағы №91 санында аудан бойынша сайлау комиссияларының жаңа құрамы құрылатыны туралы хабарлама да берілді. Онда комиссия мүшелері саяси партиялардың немесе өзге қоғамдық бiрлестiктердiң және жоғары тұрған сайлау комиссияларының ұсыныстары бойынша сайланатыны, ұсынылатын құжаттар тізімі, аудандық мәслихаттың мекен жайы мен ұсыну мерзімі көрсетілген болатын.
Көрсетілген мерзім ішінде аудандық сайлау комиссиясының құрамына «Нұр Отан» партиясынан Садық Әлиев, Қазақстанның “Ақ жол” демократиялық партиясынан Өмірбек Бекмолдаев, “Қазақстан Коммунистік халық” партиясынан Әсия Мәдиева, «Ауыл» ХДП партиясынан Табынбай Ахметов, «Бірлік» саяси партиясынан Мұрат Жанабергенов, аудан жастарының «Темірқазық» қоғамдық бірлестігінен Ақбөпе Бектаева және «Жалағаш достық мекені» қоғамдық бірлестігінен Әсия Құлымбаеваның кандидатуралары ұсынылды.
Осы сынды мәліметтерді алға тартқан М.Құлболдиев аудандық сайлау комиссиясына ұсынылып отырған кандидатураларды ашық дауыс беру арқылы сайлап, шешім жобасын бекітуді ұсынды. Мәслихат депутаттары бірауыздан қолдау білдірді.
Учаскелік сайлау комиссияларын сайлауға байланысты мәселе аудандық мәслихаттың тұрақты комиссияларының отырысында қаралғандықтан депутаттар қайта қараудың қажеті жоқ деп тапты. Бұл жөнінде “Нұр Отан” партиясы аудандық филиалы төрағасының бірінші орынбасары Қ.Мұстафаева мен мәслихат депутаты К.Сүлейменов өз ойларын білдіріп, көтеріліп отырған мәселені қолдауға болатынын айтты. Басқа да халық қалаулылары бірауыздан қолдады.
М.АХМЕТОВ.
