Бүгін Қазақстанның кей өңірінде көктайғақ болады

Бүгін атмосфералық фронттардың өтуіне байланысты республиканың басым бөлігінде қар жауып, жаяу бұрқасын болады. Тек солтүстікте, шығыста және оңтүстік-шығыста ауа райы жауын-шашынсыз, деп хабарлайды Baq.kz ақпарат агенттігі Қазгидрометке сілтеме жасап.

Кей жерлерде тұман түсіп, көктайғақ болады, жел күшейеді.
Алматы облысының Жалаңашкөл ауданында жел 24-29 м/с сақталады.
Жамбыл облысының кей жерлерінде тұман, күндіз кей жерлерде көктайғақ, желдің күшеюі 15-20, екпіні 23 м/с жетеді.
Оңтүстік Қазақстан облысының кей жерлерінде тұман, таңертең және күндіз жел 15-20 м/с болады.
Қызылорда, Маңғыстау, Атырау облыстарының кей жерлерінде тұман, көктайғақ сақталады, Маңғыстау облысында түнде жел 15-20 м/с жетеді.
Ақтөбе, Қостанай облыстарының кей жерлерінде жаяу бұрқасын, тұман болады.
Қарағанды, Солтүстік Қазақстан облыстарының кей жерлерінде тұман, Қарағанды облысында күндіз жел 15-20 м/с жетеді.
Шығыс Қазақстан облысының кей жерлерінде жел 17-22 м/с, түнде және таңертең кей жерлерде тұман түседі.

Baq.kz