Жыл сайын ауданда су тасқынының алдын алу, одан келетін қауіпті сейілту мақсатында арнайы оқу-жаттығу жұмыстары жүргізілетін. Биыл да осы дәстүр жалғасын тауып, аудандық төтенше жағдайлар бөлімі дайындықтарын тағы бір пысықтады.
«Көктем – 2018-2019» деп аталған оқу-жаттығу барысында көпір үстінен өтіп бара жатқан жолаушы судың арналық деңгейінен тым биіктеп бара жатқанын ағарып, аудандық төтенше жағдайлар бөліміне хабар береді. Хабар түскен бойда дария жағасынан табылған аудандық төтенше жағдайлар бөлімі қызметкерлері су тасқынынан келер қауіптің алдын алады. Сондай-ақ, медицина саласы қызметкерлері де тасқыннан зардап шеккен жандарға көрсетілетін алғашқы медициналық көмектің бірнеше әдісін жасап көрсетті.
Арнайы техникалар мен көптеген маман жұмылдырылған дайындық жұмысы жоғары деңгейде өтті. Мамандардың айтуынша, биыл дариядағы судың деңгейі арнамен қалыпты жағдайда жүріп өтуде. Дегенмен апаттың алдын алу мақсатында мұндағы су деңгейі аудандық ТЖД бөлімінің күнделікті бақылауында.