Жуырда Темірбек Жүргенов атындағы №123 мектеп-лицей базасында «Балаларды өрттен қорғайық!» тақырыбындағы акция аясында аудандық білім бөлімі және аудандық төтенше жағдайлар бөлімімен бірлескен семинар-практикум өткізілді. Семинар-практикумға аудан әкімі аппаратының жұмылдыру дайындығы және аумақтық қорғаныс бөлімінің басшысы С.Садықов, білім бөлімінің басшысы Г.Құрманбаева, төтенше жағдайлар бөлімінің басшысы Ж.Түйменов, барлық мектеп директорлары, балабақша меңгерушілері, мектеп директорларының тәрбие ісі, шаруашылық ісі жөніндегі орынбасарлары қатысты.
Семинар-практикумді білім бөлімінің басшысы Г.Құрманбаева ашып, өткізіліп отырған семинардың маңыздылығына тоқталып, бағдарламамен таныстырды.
Төтенше жағдайлар бөлімінің басшысы Ж.Түйменов білім беру ұйымдарында өрт қауіпсіздік ережелерін сақтау жолдарын, өрт уақытындағы қызметкерлердің іс-әрекеттерін түсіндірді. Болған өрт оқиғаларына талдау жасап, білім беру ұйымдарына жүргізілген зерделеу қорытындыларымен таныстырды.
Семинар барысында өрт оқиғалары бо­йынша арнайы дайындалған бейнероликтер көрсетілді.
Шараның практикалық бөлімінде Жа­лағаш аудандық №6 өрт сөндіру бөлімінің қатысуымен арнайы өрт-тактикалық жат­тығу өткізілді. Өрт-тактикалық жаттығуға №123 мектеп-лицейдің қызметкерлері мен оқушылары, ішкі істер бөлімінің, меди­циналық жедел жәрдем, Жалағаш электр тарату торабының қызметкерлері қатысты.
Қорытынды бөлімде өрт-тактикалық жат­тығу барысындағы орын алған кем­шіліктер талқыланып, төтенше жағ­дайлар уақытында қызметкерлердің орындайтын іс-әрекеттері түсіндірілді.
Барлық білім беру ұйымдарының басшыларына өрт қауіпсіздігін сақтау шарала­рын қамтамасыз ету бағытында тиісті жұмыстарды орындау, үнемі бақылауда ұс­тау тапсырылды. Семинар-практикум жо­ғары деңгейде өтті.