Назарбаев Алматыға келді: Оны 2000 студент күтіп алды
Алматы жастары Қазақстан Республикасының Тұңғыш президенті - елбасы Нұрсұлтан Назарбаевты ұшақ алдында күтіп алды.
Жастар үнемі қамқорлық пен қолдау көрсетіп, тәуелсіз Қазақстанның қалыптасуына қосқан баға жетпес үлесі үшін елбасыға алғыс білдірді, деп жазады Ақорданың ресми сайты.
Елбасын қаланың барлық жоғары оқу орындарын біріктіретін G-38 студенттік ұйымының екі мыңға жуық студенті қарсы алды.
Нұрсұлтан Назарбаев тосынсый жасап, ұшақ алдында күткен жастарға жеке-жеке ризашылық білдірді.
Қазақстанның тұңғыш президенті жас ұрпақтың мемлекеттің дамуында маңызды рөлін атап өтті.
"Сіздер бақытты адамдарсыз: осындай әдемі қалада оқып, осындай әдемі әрі әлемге әйгілі елде өмір сүресіздер. Қазақстан - біздің Отанымыз. Біздің міндетіміз - тәуелсіздікті сақтау. Баршаңызға зор денсаулық және болашақта табыстар тілеймін», - деді Нұрсұлтан Назарбаев жастарға.
Stan.kz
