МАҚСАТЫ АЙҚЫН ЕЛДІҢ КЕЛЕШЕГІ ДЕ КЕМЕЛ
ҚР Президентінің қазақстандықтарға арнаған алғашқы үндеуін үлкен ықыласпен тыңдадық. Үндеуде айтылған ҚР Президентінің сайлауына келсек, Қасым-Жомарт Тоқаев саяси партиялардың және қос палаталы Парламенттің төрағаларымен ортақ шешімге келіп отырғанын аңғардық.
Бұл ширек ғасырдан астам тарихы бар тәуелсіз елдің болашағы үшін қабылданған тарихи шешім деп білемін. Бұйыртса, алдағы сайлаудың өтуіне екі айдай уақыт қалды. Осыған дейін Елбасы Нұрсұлтан Назарбаевтың бастамасымен еліміз біраз белесті еңсерді. Тәуелсіздіктің алғашқы жылдарындағы қиын кезеңді де оңай еңсеруде Тұңғыш президенттің қолтаңбасы бар. алдағы сайлаудан кейін де жаңа басшы да осындай сарабдал саясаттың негізінде байыппен іс қылады деп сенеміз. Мақсаты айқын елдің келешегі де кемел болары сөзсіз.
Дина МИРМАН,
«Жалағаш – достық мекені» қоғамдық бірлестігінің төрайымы.