Елордадағы тағы бір вокзалдың атауы өзгертілді
Елордадағы тағы бір вокзалдың атауы өзгертілді. Ендігі Астана-Нұрлы жол вокзалы Нұр-Сұлтан – Нұрлы жол деп аталады, деп хабарлайды Stan.kz ақпарат агенттігі ҚТЖ-ның баспасөз қызметіне сілтеме жасап.
«ҚР президентінің Астана қаласын Нұр-Сұлтан қаласына өзгерту туралы жарлығына сәйкес «ҚТЖ – Жүк тасымалы» АҚ темір жол әкімшіліктерінің №4 тарифтік нұсқаулығына өзгерістер енгізілді», - делінеді хабарламада.
Айта кетсек, елордадағы жаңа вокзал 2017 жылы EXPO көрмесінің қарсаңында ашылған еді.
Еске сала кетсек, 8 сәуірден бастап елордадағы Астана вокзалының атауы Nur-Sultan болып өзгертілген еді.
