Сырдария өзені деңгейінен көтерілді (видео)

Қызылорда облысында Сырдария өзені Қалжан ауылы аймағындағы дамбаны бұзып, ауыл шаруашылық жерлерін су басып кетті деп хабарлайды Astana TV арнасына сілтеме жасаған NUR.KZ.

Оқыс оқиға желісі бойынша Қалжан ауылынан 5,5 км аймақтағы дамба бөлігінен су кеткен. 2 мың гектардан астам ауыл шаруашылығына арналғын жедіен су басып кетті. Оның 500 гектары күріш алқаптары екен.
Дамба 29 қаңтарда жарылған екен. Содан бері бұзылған жерде екі мердігер ұйым қалпына келтіру жұмыстарын жүргізуде. Алайда 1300 метр аумақтағы жерді бекіту әлі бітер емес.
"Сырдария ауданы бойынша, төтенше жағдай жарияланды. Облыс әкімі төтенше жағдайлар комиссиясының отырысын өткізді. Сырдария өзенінің облыс аймағын алып жатқан бөлігі 1274 км-ді құрайды. Осы алқаптың 1111 бөлігінде қалыңдығы 20-дан 60 см-ге дейінгі мұз қатқан. Оның астында 2-2,5 метр тереңдікте шұңқыр қалыптасып, су аға алмай, тасып жатыр",-деді Қызылорда облысы мобилизациялық дайындық жөніндегі басқарма жетекшісі Ғабит Жанбаев.
Дамаба жақын күндері жөнделуі тиіс, ал аймақты жайлаған су көктемде тазартылады екен.

https://kaz.nur.kz