Атышулы модель тағы да төсін жалаңаштап шықты
Динагүл Тасова Kazakhstan Fashion Week сән көрсетіліміне қатысып, тағы да ел алдына төсін жалаңаштап шықты, деп жазады Stan.kz.
Динагүл Тасова грузиялық дизайнер Кети Чхиквадзенің көйлегін киіп шыққан. Модель бұл жолы қара бұршақ түскен ашық жасыл түсті көйлек киіп шыққан. Динагүл сән сахнасына жалаң аяқ әрі төстартқыш кимей шыққан.
"Модель ретінде шетелде жиі өнер көрсеттім, осындай көрсетілім біздің елімізде болса деп армандадым. Арманым орындалды", - деп қуанышымен бөлісті Динагүл желіде.
Естеріңізде болса, өткен жылы Динагүл Fashion Night Astana көрсетілімінде төсін жалаңаштап, елдің назарын өзіне аударған еді. Ол бұл қылығы үшін соққыға жығылғанын мәлімдеді. Динагүл Тасова елдің ашуын тудырған “костюмнен” бас тартуға мүмкіндігі болмағанын айтты. Модельдік агенттікпен келісім-шартқа отырғандықтан, қарсы шығатын құқығы жоқ екен.
