Павлодар облысында "Камаз" 11 сиырды таптап өтті (видео)

Павлодар облысы Качир ауданы, Қызылтаң ауылының қасында өтетін Омбы-Майқапшағай тас жолының 335-ші шақырымында КамАЗ көлігі сиырларды басып кетті, деп хабарлайды pavlodarnews.kz сайтына сілтеме жасаған NUR.KZ.

Желіде пайда болған видеоға қатысты пікір білдірген ІІД-нің баспасөз қызметінің мәліметінше, оқиға "Мал айдау" белгісі болған жерде орын алған.

"Бақташы малды арнайы белгіленген жерде айдаған. Десе де, КамАЗ жүргізушісі 11 сиырды басып үлгерген. Мал Қызылтаң аулының тұрғындарына тиесілі. Көлік жүргізушісіне қатысты ҚР ӘҚК 610 бабы 1 бөлімі бойынша әкімшілік іс ашылды", - дейді құзырлы мекемедегілер.