Қазақстан Республикасы білім және ғылым министрінің бұйрығымен Көбенова Гүлзат Ізбасарқызы Қазақстан Республикасы білім және ғылым министрлігінің білім және ғылым саласындағы бақылау комитетінің басшысы қызметіне тағайындалды.

Көбенова 1968 жылы Ақтөбе облысында дүниеге келген. 1998 жылы Ақтөбе мемлекеттік университетін бітірді. Жұбанова атындағы Ақтөбе мемлекеттік университетінде тарихшы, тарих және қоғамтану оқытушысы мамандығы бойынша білім алды.
Еңбек жолын 1998 жылы Жұбанов атындағы Ақтөбе мемлекеттік университетінің Қазақстан тарихы кафедрасында оқытушы болып бастап, университет деканының орынбасары қызметін атқарды.
2004-2009 жылдары ғылыми хатшы қызметтерін атқарды. Ақтөбе мемлекеттік педагогикалық институтының ғылым және халықаралық ынтымақтастық бөлімінің басшысы болды.
2009 жылдың қазан айынан бастап мемлекеттік қызметте. Мәдениет және ақпарат, білім және ғылым министрлігінде түрлі қызметтерде болды.
2017 жылдың шілдесінде ҚР БҒМ Жоғары және жоғары оқу орнынан кейінгі білім департаментінің директоры болып тағайындалды.
2018 жылдың сәуірінен 2019 жылдың қаңтарына дейін Қазақстан Республикасы Тұңғыш Президенті - Елбасы кітапханасы директорының орынбасары болып жұмыс істеді.
2019 жылдың қаңтарынан бастап қазіргі уақытқа дейін ол Қазақстан Республикасы Президенті Кеңсесінің сектор меңгерушісі қызметін атқарды.

stan.kz