» » Назарбаев: Астанада әр өңірді еске салатын орындар болуы тиіс

Назарбаев: Астанада әр өңірді еске салатын орындар болуы тиіс


Елбасы Қазақстанның әр өңірі Астананың 20 жылдығын мерекелеуге ат салысып, қалаға әр аймақтың атынан өз  сыйлықтарын жасап жатқанын айтты.

Назарбев  Akordapress-тің инстаграмм парақшасында жарияланған видеороликте басқа өңірлердің Астанаға жасаған сыйлықтарына қатысты пікір білдірді, деп жазады Stan.kz ақпараттық агенттігі.
“Қазір Қазақстанның барлық өңірлері Астананың 20 жылдығын мерекелеуге қатысып, қалаға сыйлық жасауда. Бір өңір саябақ, екіншісі жаңа көше, тағы басқалары мектеп, балабақ салып беріп жатыр. Оларға үлкен рахмет, себебі бұл біздің Отанымыздың, барлық қазақстандықтардың астанасы және елордамызда әр өңірді еске салатын орындар болуы тиіс. Қарап тұрсаңыздар, көшелерге де аймақтардың аттарын беріп жатырмыз. Бұл өте дұрыс. Оның үстіне, қазір мұнда Қазақстанның барлық өңірінен адамдар жиналып жатыр”, – деді Мемлекет басшысы Нұрсұлтан Назарбаев.
Қазіргі уақытта еліміздің барлық өңірлері мен Алматы қаласы “Астанаға сыйлықтар беру” жобасын жүзеге асыруда, оның аясында елордада он жаңа әлеуметтік нысан пайда болады.
Еске сала кетейік, бұған дейін Астананың 20 жылдығын мерекелеу аясында Қазақстанның әр өңірі естелік ретінде елордаға ерекше сыйлық тарту етіп жатқандары туралы хабарлаған болатынбыз. Аймақтардың Астананың мерейтойына орай қандай сыйлық жасағанын осы жерден оқи аласыздар. Қазақстанның әр өңірі Астананың мерейтойына қандай сыйлық тарту етті.



http://stan.kz

04 шілде 2018 ж. 687 0