Олардың ішінде шенеуніктерден басқа балет әртісі Николай Цискаридзе, режиссер Владимир Хотиненко, актерлар Михаил Боярский мен Владимир Машков, дизайнер Валентин Юдашкин, пианист Денис Мацуев, Comedy Club Гарик Харламов пен Михаил Галустян резиденттері, совет хоккеисті Владислав Третьяк және жекпе-жектен әлем чемпионы Федор Емельяненко болды. Шара алдында қатысушыларға Оливер Стоунның "Путин" және Алексей Пимановтың "Қырым" кинолентасын көрсетті.
Путиннің өзі бұл шарада болмады. Мемлекеттік ақпарат агенттіктерінің хабарлауынша, Путинді президенттікке ұсынып жатқанда, ол үкімет мүшелерімен кездесіп, "жылды қорытындылап" жатқан. Оның алдында президент Кремль шыршасына келген балалармен кездескен. Мемлекет басшысы балаларға Ресейді басқару қиын емес екенін айтқан. "Өйткені сендер сияқты балалар бар", – деген.
Путиннің жасы қазір 65-те. Ол Ресейді 1999 жылдың аяғынан бері басқарып келеді. 13 жыл ел президенті ретінде, төрт жыл үкімет басшысы ретінде билік басында болды.