2017 жылы елімізде салықтық және кедендік тексерулер саны екі есеге қысқарған. Бұл туралы ҚР ҚМ Мемлекеттік кірістер комитетінің төрағасы Ардақ Теңгебаев ОКҚ алаңында өткен баспасөз мәслихатында мәлімдеді, деп хабарлайды Baq.kz тілшісі.

«Салықтық және кедендік тексерулердің саны 2016 жылыдң 11 айында 72 мың болса, биыл - 37 мыңды құрады. Мұндай көрсеткіштерге тәуекелдерді басқару жүйесін тиімді пайдалану мен кәсіпкерлік субъектілер мониторингін қашықтықтан бақылауға көшу арқылы қол жеткіздік», - деді Ардақ Теңгебаев.

Оның айтуынша жүргізілген салықтық тексерулер нәтижесінде бюджетке 87,6 миллиард теңге өндірілді. Өткен жылмен салыстырғанда түсім 35 пайызға өскен.

«Кедендік тексерулер бойынша бюджетке 3,8 миллиард теңге өндірілді. Бір тексеріс тиімділігі 13 пайызға өсті. Кедендік тексерулер көрсеткіші 2,5 есеге қысқарды. 2016 жылғы 15,866 тексеру өткізілсе, биыл 6 297 тексеру өтті», - деді ол.

Назерке Абибулла