Қазақ балуаны өзбек қарсыласын ұтып, әлем чемпионы атанды

Грек-рим күресінен сынға түскен отандасымыз қарсыластарын қоғадай жапырып, әлем чемпионы атағын жеңіп алды.

Саматбек Ізімғали Болгарияның София қаласында өткен жасөспірімдер арасындағы Әлем чемпионатында грек-рим күресінен жеңімпаз атанды, деп жазады Qsport.kz.

Саматбек Ізімғали Болгарияның София қаласында күрес түрлерінен өтіп жатқан әлем чемпионатында топ жарды. Грек-рим күресінен сынға түскен отандасымыз қарсыластарын қоғадай жапырып, әлем чемпионы атағын жеңіп алды. 45 келіге дейінгі салмақ дәрежесінде белдескен Саматбек алғашқы алғашқы айналымда кадеттер арасында Еуропа чемпионы Фарид Садихлиді 15:4 есебімен жеңді. Одан кейін Үндістан, Иран және Өзбекстан балуандарын бірде-бір ұпай бермей ұтты. Ал Финалда өзбек балуаны Асадбек Бахрамовты жамбасқа алып ұрып, жауырынын жер иіскетті.

Айта кетейік, 4-7 шілде аралығында Нұр-Сұлтан қаласындағы Азия чемпионатында да Саматбек чемпион атанған болатын. 

ERNUR.KZ