Тайпей қаласында (Тайвань) дзюдодан жас­өспірімдер арасында өткен Азия чемпио­натында жерлесіміз Тілеген Тынарбай чемпион атанып, ел намысын қорғады.
Татами төрінде 66 келі салмақ дәрежесінде сынға түскен Тілеген төрт кездесудің барлығында да қарсыластарын таза жеңіспен ұтып, Азия чемпионы атанды.
Жалағаштық 17 жасар спортшы осы жеңісінің нәтижесінде дзюдодан ҚР спорт шебері атағын орындады. Тілегеннің жеңісіне Арман Молдаханов, Өмірбек Қалменов сынды бапкерлердің еңбегі зор.
Енді жас спортшы қыркүйектің 24-29 аралығында Алматы қаласында өтетін Əлем чемпионатына қатысады. Біз жерлесімізге жеңіс тілейміз.