» » Мадияр Жанұзақ 27 ақпанда IBF белдігі үшін бақ сынайды

Мадияр Жанұзақ 27 ақпанда IBF белдігі үшін бақ сынайды


Кәсіпқой қазақ боксшысы Мадияр Жанұзақ 27 ақпан күні Макаода (Қытай) филлипиндік Джон Марк Алиманға қарсы жекпе-жек өткізеді, деп хабарлайды «SPORTINFORM» САА. 

Мадияр Жанұзақ бүгін таңертең Қазақстан кәсіпқой бокс федерациясының ресми рұхсатын алды. Макаода Жанұзақ пен Алиман аса жеңіл салмақтағы (50,8 келі) 10 раундтық  жекпе-жек өткізеді. Бұл қос боксшының «2017 IBF Silk Road Championship Tournament» турниріндегі финалдық кездесуі. Жеңімпаз боксшы IBF B&R Region титулының иегері атанады. Джон Марк Алиман кәсіпқой рингте 2015 жылдан бері өнер көрсетіп келеді. Одан бері өткізген 5 жекпе-жегінің барлығында жеңіске жетіп, үшеуін уақытынан бұрын аяқтаған. Мадияр Жанұзақтың есебінде үш жеңіс бар, оның бірі - нокаут.
Естеріңізге сала кетейік, азиялық промоутерлердің бастамасымен дүниеге келген   IBF B&R Region белбеуіне IBF құрылтайшылық етеді. Белбеуге Азия, Еуропа, Африка елдеріндегі 70 мемлекеттің спортшылары таласа алады.

22 ақпан 2018 ж. 873 0