Хоккейден Қазақстан құрамасы әлем чемпионатын жеңіспен бастады

Хоккейден Қазақстан ұлттық құрамасы әлем чемпионатын жеңіспен бастады. Топтағы бірінші ойында отандастарымыз Латвия құрамасын матч соңындағы буллит сериясында ұтып шықты.

Ойынның негізгі уақытында командалар 2:2 есебімен тең түсті. Латвия құрамасы екі рет есепте алға шыққан. Қазақстандық хоккейшілер есепті теңестіре білді. Ұлттық құрама сапында Александр Шин мен Джесси Блэкер шайба соқты.

Ойын соңындағы буллит сериясында Қазақстан құрамасы хоккейшілерінің асығы алшысынан түсті.

Ұлттық құрама келесі ойынын 23 мамыр күні Финляндияға қарсы өткізеді. Финдер топтағы бірінші ойында АҚШ құрамасын 2:1 есебімен ұтқан болатын.

Латвия — Қазақстан 2:3 Б (0:0, 1:1, 1:1, 0:0, 0:1)

Шайба соққандар:

1:0 — 27:44 Дарзиньш (Даугавиньш). Тең құрамда

1:1 — 38:59 Шин (Старченко, Диц). Ойыншы басымдығында

2:1 — 45:25 Букартс (Цибульскис). Тең құрамда

2:2 — 45:37 Блэкер (Сведберг, Сагадеев). Тең құрамда

2:3 — 65:00 Рымарев. Буллит 

Қақпашылар: Кивлениекс — Бояркин

Айып уақыты: 8:4 (2:2, 4:2, 0:0, 2:0). 

massaget.kz