Олимпиада чемпионы Данияр Елеусінов (10-0, 6 КО) кәсіпқой рингтегі келесі жекпе-жегін жаз аяғында өткізуі мүмкін. Әзірше боксшыға жаңа промоутер іздестіріп жатыр. Мән-жайды Vesti.kz тілшісіне Даниярдың менеджері Зия Алиев айтып берді. 

"Қазір промоутерлермен келіссөз жүргізіп жатырмыз. Данияр IBF рейтингінде сегізінші болғандықтан таңдау көп. Ұсыныс та жетерлік. Дегенмен ұсыныс лайықты болу қажет. Сондықтан біраз уақыт өтеді.

Даниярдың келесі жекпе-жегі тамызда және бұл тамаша айқас болады", - дейді менеджер.