Қазақстандық боксшы Данияр Елеусіновтің менеджері Зия Әлиев олимпиада чемпионының келесі жекпе-жегі қашан өтетінін айтты.

«Біз қарсыластарды таңдаған кезде, мықтыларды таңдап алдық. Алайда Даниярдың олардан артықшылығы бар екенін білген едік. Менің ойымша, Даниярдың келесі қарсыласы да осал болмайды. Ол – мықтырақ әрі тәжірибесі де молырақ. Десе де Даниярдың қарсыласынан асып түсетініне сенімім мол. Дайындық жүргізу үшін 3 апта уақыт бар. Оның соңғы аптасын Лондонда  өткіземіз. Себебі сағаттық белдеу басқа, жерсіну керек. Ал ертең дайындықты бастау үшін Флоридада боламыз. Менің ойымша, бәрі жақсы болады», – дейді Әлиев.
Естеріңізге сала кетсек, бүгін, 29 сәуірде қазақстандық боксшы Данияр Елеусінов кәсіпқой бокстағы алғашқы жекпе-жегін өткізіп, америкалық қарсыласы Ноа Киддті техникалық нокаутқа жіберді. 6 раундқа жоспарланған жекпе-жек 3-інші раундта аяқталып, Елеусінов жеңіске жетті.