Қазақстан допты хоккей тарихында тұңғыш рет 17 жасқа дейінгі құрама Әлем чемпионатында жүлдеге ие болды. Наурыздың 22-24 күндері Ресейдің Ульяновск қаласында 17 жасқа дейінгі құрамалар арасында Допты хоккейден Әлем чемпионаты өтті. Аталған жарысқа Қазақстан құрамасы алғашқы рет қатысып және жүлдеге ие болып отыр. Топтық кезеңді іркілмей аяқтаған жігіттеріміз жартылай финалда болашақ әлем чемпиондары Швеция құрамасына жол берді. Ал үшінші орын үшін өткен кездесуде 5-1 есебімен Финляндия құрамасын ойсырата жеңді. Қазақстан сапында Дәурен Оралов 4 гол соғып покер жасаса, тағы 1 гол Ершат Амангелдиевтің еншісінде.  Сондай-ақ, құрама шабуылшысы Дәурен Оралов 7 голымен бомбардилер бестігіне енді. Финалдық кездесуде Швеция жасөспірімдері Ресейді 4-2 есебімен жеңіп чемпион атанды.  
Толығырақ: https://egemen.kz/article/166473-qazaqstan-dopty-khokkeyden-alem-chempionatynda-zhuldeli-boldy
Материалды көшіріп басқанда Egemen.kz сайтына гиперсілтеме міндетті түрде қойылуы тиіс. Авторлық құқықты сақтаңыз!