Еуропа Кубогының қола жүлдегері атанды

Германияның Саарбрюккен қаласында дзюдодан Еуропа кубогының соңғы күні Санжар Жабборов ел қоржынына қола жүлде салды, -деп хабарлайды ҚазАқпарат тілшісі.
ҚР Дзюдо федерациясының баспасөз қызметі мәлім еткендей жарыстың соңғы күнінде аса ауыр салмақта белдескен отандасымыз Жаббаров (+100 кг) іріктеу кезеңінде франциялық Адриен Ливольсиді ұтып өз тобынан үздік шыққан болатын. Жартылай финалдық белдесуде әзірбайжан балуаны Шахин Шахрамановқа есе жіберіп, қола жүлде үшін белдесуге мүмкіндік алды. Шешуші жұбаныш белдесуде қос қазақстандық Ерасыл Қажыбаев пен Санжар Жабборов кездесіп, Санжар Жабборов жеңіске жетті. Естеріңізге сала кетейік, аталған доданың алғашқы күні тағы бір отандасымыз Ғұсман Қырғызбаев күміс жүлдеге қол жеткізген болатын.