Қазақстандық фристайлшы Юлия Галышева Олимпиада ойындарындағы могул сайысының финалдық кезеңінде бақ сынап, қола жүлдеге қол жеткізді.  Қазақстан жанкүйерлері үлкен үміт артқан Юлия алғашқы финалдық кезеңінде 75.10 ұпай жинап (7-орын), екінші финалға жолдама алған болатын.
12 фристайлшы қатысқан екінші финалда Галышева 76.81 ұпай жинап (6-орын), финалдың соңғы кезеңіне шықты.
Үздік алты спортшы бақ сынаған үшінші кезеңде қазақстандық спортшы 77.40 ұпай иеленіп,  ел қоржынына алғашқы жүлдені салды.
Ал алтын медаль франциялық Перрен Лафонтқа, күміс канадалық Дюфуа-Лапуантқа бұйырды.