Ертіс клубында жаңа ойыншылар пайда болды

«Ертіс» футбол клубы жаңа екі футболшымен келісімшарт жасады, деп хабарлайды Baq.kz ақпарат агенттігі SPORTINFORM порталына сілтеме жасап.

«Ертіс» футбол клубы жаңа спортшылармен келісімшарт жасады. Командаға қабылданған жаңа футболистер – 34 жастағы жартылай қорғаушы Пірәлі Әлиев пен 24 жастағы қорғаушы Рафкат Аслан.
Қазақстандық бірқатар клубтарда өнер көрсеткен Пірәлі Әлиев 2015-2017 жылдар аралығында павлодарлық команданың қорғаушысы болған. Рафкат Аслан «Тобыл», «Ақтөбе» және «Атырау» үшін додаға түскен.
Еске сала кетсек, «Ертіс» өзінің еурокубоктық науқанды аяқтаған болатын.

Baq.kz