Бразилия құрамасындағы әлем чемпионы Роналдиньо спорттық карьерасын тоқтатты. Бұл туралы оның бауыры Роберто Ассис мәлімдеді, деп хабарлайды Вaq.kz ақпарат агенттігі livesport.ruбасылымына сілтеме жасап.

«Ол аяқтады. Болды, бітті. Біз Ресейде өтетін әлем чемпионатынан кейін үлкен шара өткіземіз. Шамамен, тамыз айында болатын шығар. Сонымен қатар, Бразилия, Еуропа мен Азияда түрлі шара ұйымдастырамыз. Бразилия құрамасын қатыстырып та матч өткіземіз», - деді Ассиса Globo Esporte.

Роналдиньо наурыз айында 38 жасқа толады. Ол 2005 жылы «Алтын доп» иегері болды. Сондай-ақ, ФИФА-ның рейтингі бойынша екі рет үздік ойыншы атанды.
ПСЖ, «Барселона», «Миланның» экс-ойыншысы Роналдиньо соңғы рет «Флуминенс» клубында ойнады. 2015 жылдың қыркүйегінде аталған клубтан шығып, 2016 жылы Үндістанның мини-футболдан өткен чемпионатына қатысты.