Головкин WBA нұсқасы бойынша 2017 жылдың үздік боксшысы атанды

Бүкіләлемдік боксшылар қауымдастығы твиттердегі ресми парақшасында жанкүйерлер арасында сауалнама жүргізіп, 2017 жылы шаршы алаңда үздік өнер көрсеткен спортшыны анықтады, деп хабарлайды Baq.kz ақпарат агенттігі Sports.kz басылымына сілтеме жасап.

Аталған сауалнамада үш боксшының есімі жазылды. Олар - Геннадий Головкин (37-0-1, 33 КО), Теренс Кроуфорд (32-0, 23 КО) пен Энтони Джошуа (20-0, 20 КО) болды.

Жанкүйерлердің 50 пайызы Головкинге дауыс берсе, қалған екеуі 25 пайыздан қолдауға ие болған. Сауалнамаға барлығы 4 786 бокс жанкүйері қатысты.